Ikiaroornartulerisumut eqqartuussut Nunatta Eqqartuussisuuneqarfiata attatiinnaraa: Hashimik anngiortumik eqqusseriaraluartoq qimmimik paasisaasoq
Angut inuusuttoq fire kilongajammik hashimik anngiortumik eqqusseriaraluartutut qaammatini 15-ini pineqaatissinneqarsimasunut inissiisarfimmiittussanngortinneqarpoq. Angutip hashi 400 gramit missaaniinnasorineraraluaraa Nunatta Eqqartuussisuuneqarfiani tamanna upperineqanngilaq.
Hashimut suliaq ukioq manna siulleq naammassineqarpoq.
Angutip 29-nik ukiullip Nunatta Eqqartuussisuuneqarfianut suliassanngortitseqqiinini iluatsinngilaa. Taassuma ukiumi ataatsimi qaammatinilu pingasuni eqqartuussivimmi pineqaatissinneqarnini sivikillisikkumallugu Nunatta Eqqartuussisuuneqarfianut suliassanngorteqqikkaluaraa eqqartuussummi atuarneqarsinnaavoq.
Angut Nuummi isertitsivimmi januaarip 28-anili tigummigallarneqalerpoq. Politiit qimmiata Kangerlussuarmi kufferti pasinarsinnaasumik imalik naammagu – piginnittua 29-nik ukiulik – nakkutilliisarfiliaanneqarpoq.
Qimmit naamasaa ilumoortoq: Kuffertip iluani hashi 3,8 kiilu toqqoqqasoq politiinit nassaarineqarpoq. Haship nanineqartup annertussusaa peqqutaalluni piginnittoq Nuummukartitaavoq killisiorneqarnerminilu ulluni 28-ni tigummingallagassanngortinneqarluni. Suliap, ikiaroornartumik anngiortumik eqqusseriartutut Eqqartuussisoqarfk Sermersuumi marsip qaammataani, suliarineqarnissaata tungaanut tigummingallarneqarnera sivitsorneqarluni.
400 gram kiilut sisamalluunniit
Angut ilaannakoortumik pisuunerartoq eqqartuussutip eqikkarnerani allassimavoq, taannali eqqartuussivimmut nassuiaateqarusugani.
Politiinit killisiorneqarnermini hashi graminik 400-nik annertussuseqarsorinerarpaa.
Eqqartuussivimmit nassuiaat upperiuminaatsinneqarpoq, politiimmi assilisaanni takuneqarsinnaavoq hashi annertooq nassaarineqarsimasoq.
Allaaserisap sinnera uani sapaatip-akunnerani AG-mi atuaruk. Uani isissutissarsigit: