Ikinngut naaggaanngisaannarpoq
Jens Napaattup ikinngutaasa nereqatigiinnernut kina akiliisuunersoq eqqarsaatiginngisaannarpaat.
Jens Napaattooq pillugu suliami ateq Mads Andreassen bilag-ini amerlasuuni allassimasarpoq. Eqqartuussinerup ullut aappassaanni naalakkersuisumut allattaasimasoq Ulrik Josefsen tulleralugu ilisimannittutut apersorneqarpoq. Mads Andreasseni eqqartuussivimmi nassuiaavoq, Jens Napaattooq inuunini tamaat ilisarisimasimallugu ikinngutigiittuaannarsimallutillu. Mads Andreasseni nereqatigiinnernut ilasseqatiginnertut taaneqartunut qaaqquneqakulasimavoq.
– Jensi qaaqqusigaangat naaggaanngisaannarpunga. Qanoq kiliinersoq eqqarsaatiginngisaannarpara, nammineq inuttut imaluunniit namminersornerullutik oqartussat aningaasaatigineraat, Mads Andreassen oqarpoq.
Mads Andreasseni politikkimut soqutiginnittuunngilaq suliniaqatigiiffimmullu sumulluunniit ilaasortaanani. Taamaakkaluartoq bilagit naapertorlugit takuneqartarpoq, nereqatigiinnernut periusissamut tunngasunik ataatsimiinnertut taaneqartunut aammalu sanaartornermut illuliortiternermullu tunngasunut peqataasarsimasoq.
– Jens peqatigitillugu politikki oqaluuserineqanngitsoorneqarsinnaanngilaq politikki pillugu oqaluinnavittarami, Mads Andreassen oqarpoq.