Ikiortigut: Arnatsialak 2018 kinaassava?
Ukiup ingerlanerani arnaq kina immikkut ittumik iliuuseqarsimava? Atuagassiaq Arnanut taama apeqquteqarpoq, atuartartullu arnamik Arnatsialak 2018-imut nersornaammut toqqarneqarnissamut tulluartoq toqqaqqullugu.
Aqqaneq-aappassaannik arnatsialamik nersornaasiisoqassaaq. Ane Marie Møller Andersen Uummannameersoq siorna nersornaaserneqarpoq.
Kina nersornaaserneqassanersoq Arnanumit Sermitsiaq.AG-mi atuartartut toqqaanissaannut kajumissaarneqarput.
- Arnamik immikkut ittumik inunnut allanut sunniuteqartumik iliuuseqartumik ujartuivugut. Maligassiuisoq – imaluunniit nuannaartitsisoq. Inuusuttuuguni utoqqaaguni, illoqarfimmiuuguni nunaqarfimmiuuguniluunniit – taakku apeqqutaanngillat. Arnaaguni naammappoq, Arnanumi aaqqissuisoq, Martine Lind Krebs ilisimatitsivoq, taanna tuniniaanermik sulialik Trine Bich Larsen aamma ilusilersuinermut aaqqissuisoq Linda Rachlitz peqatigalugit Arnatsialammik toqqaasuussaaq.
Ukioq manna Arnatsialak Arnanumi upernaakkut saqqummertumi nersornaaserneqassaaq. Arnamik innersuussinissamut piffissaq killiliunneqarpoq decembarip 31-at nalunaaqutaq 12.00. Innersuussutit uunga nassiunneqassapput arnanut@sermitsiaq.gl
Arnanut saqqummertoq kingulleq atuaruk, taanna maanna pisiarineqarsinnaalereerpoq. Digitaliusoq uani pissarsiarineqarsinnaavoq: