Ikuallattumik paasiniaasut Qapiarfiusaami naammassipput

Ikuallattoqarsimatillugu paasiniaaqqissaartartut inaarutaannik Nuummi politiit suli tigusaqanngillat misissueqqissaartartut Qapiarfiusaami inissiaq ajunaarfiusumik ikuallattoq misissoreerlugu Danmarkimut utereerneranni.

Inissiat ilaanni sisamanngormat ikuallattoqarpoq inuit pingasut ajunaarnerannik kinguneqartumik. Politiit misissuinerat suli inaaruserneqanngilaq. Sapaatip akunnerata ingerlanerani ikuallattoqarsimatillugu paasiniaaqqissaartartut inissiaq misissorpaat ajunaartullu timaat misissorneqarlutik.

- Ikuallattoqarsimatillugu paasiniaaqqissaartartut sisamanngornermi Danmarkimut uterput taakkulu misissuinerminnit nalunaarutissaat utaqqivarput, Nuup politiivini paasiniaanermut immikkoortumiit Taatsi Fleischer Sermitsiaq.AG-mut oqarpoq.