Ilaasortaaffini erloqinaraa
Aleqa Hammondip nunanut allanut sillimaniarnermullu ataatsimiititaq ilaasortaaffini naammagisimaanngilaa
- Nunatta inatsisartuini ilaasortatut assut tupaallaatigaara ataatsimiititaliami sulinerup aatsaat taama pimoorunneqanngitsigisumik aammalu qarsupiinnartigisumik sulinera, inussiarnersumilli Ataatsimiititaliami siulittaasoq, Justus Hansen demokraatineersoq qinnuigaara ataatsimiitialiami suliniarnerup erloqinartup ilorraap tungaanut saatinniarnissaanut suleqqullugu,
Taama Aleqa Hammond, Siumut ersaritsigisumik nalunaaruteqarpoq Inatsisartut Nunanut allanut sillimaniarnermullu ataatsimiititaliami ilaasortaqatimilu sulinertik pillugu.
- Nunatta OLT-mut siulittaasuuffik tigummagu aammalu Danmarkip EU-mi siulittaasuuffik tigummagu ataatsimiititaliami susassaqartumi januuarip 9-ani ataatsimiinnissamik kissaateqarpunga OLT aammalu EU siulittaasuuffiit tigummineqartut pillugit pilersaarutigineqartullu pillugit iluaqutigisinnaasassavut nunatut ujartorlugit siunnersuutigaara Naalakkersuisut siulittaasuat aggersarlugu isumasiorneqassasoq aammalu nassuiaassasoq nunatta iluaqutissaasa suuneri pillugit.
- Puisip amiinut tunngasut apeqqutit, ataatsimiiffinnut sunut nunarput ammaanneqarsinnaava siulittaasuuffiit iluaqutigalugit, inatsisartutut qanoq pitsaasumik naalakkersuisunut tunuliaqutsiisinnaavugut assigisaalu kissaatigisarsimavara qaqinneqassasut, Aleqa Hammond allappoq.
- Ulloq manna tikillugu angusaqarfiunngilaq, ataatsimiinnerilli pisarput eqqaasitsissutigineqartarlutik Naalakkersuisut siulittaasuata aggersarneqarluni paasissutissiinissaa pillugu.
- Apeqqutissat nassiussorneqarsimanngillat, ilaasortat aalajangigaat ingerlateqqinneqarsimanngilaq, isumasiuinissaq ullulerneqarsimanngilaq allaallu oqaluuserineqarluni immaqa martsip qiteqqunnerani ataatsimiittoqassasoq, Aleqa Hammond oqarpoq.
Inatsisartuts Nunanut allanut sillimaniarnermullu ataatsimiititaliaa uani takukkit.