Ilaqutariinnermut ataatsimiititaliaq Kommune Kujallermi
Septembarip 9ata tungaanut Inatsisartut ilaqutariinnermut ataatsimiititaliaa Kommune Kujallermi illoqarfinni nunaqarfinnilu paasisassarsiorluni angalaarpoq.
Ulluni makkunani Kommune Kujallermi nunaqarfiit illoqarfiillu Inatsisartut ilaqutariinnermut ataatsimiititaliaanit tikeraarneqarput. Tamanna pivoq ataatsimiititaliap nunatsinni paasisassarsiorluni angalanerisa aappaani.
Tikeraarnermut siunertaavoq ilaqutariinnermut ataatsimiititaliamit paaserisunneqarmat Kommune Kujallermi isumaginninnerup iluani innutaasut sunik atugassaqarnersut.
Ataatsimiititaliamit innuttaasut tusarniarneqarput, ulluinnarni sunik atugassaqarnersut paasiniarneqarluni pisortaqarfinni assigiinngitsuni, soorlu namminersiorlutik oqartussat pigisaanni, meeqqanut, inuusuttunut, innarluutilinnut utoqqarnullu ingerlatsiviit takuniarneqarlutik.
Ilaqutariinnermut ataatsimiititaliamiipput: Debora Kleist, (IA), siulittaasoq, Jane Petersen, (IA), siulittaasup tullia Ruth Heilmann, (S), Astrid Fleischer Rex, (D). Atassut angalaqatigiinni peqataanngilaq.