Ilimmarfimmi namminersorneq sammineqarnersaavoq
Isumasiuinerup takutippaa universiteteqarfimmi ilinniagaqartut amerlanerussuteqarluartut namminersulernissaq tapersersoraat.
Isumasiuinerup takutippaa Nuummi universiteteqarfimmi Ilimmarfimmi ilinniagaqartut 63 procentiisa namminersulernissaq akuersaaraat 26 procentiisalu akerleralugu.
Ilinniagaqartut sinnerisa, 10 procentit missaanniittut nalornivaat novemberip 25-ianni qanoq taasissanerlutik.
Ilinniagaqartut ataasinngormat namminersornermut isumasiorneqarput.
Ilinniagaqartunik 55-inik isumasiuineq ingerlanneqarpoq tusagassiortunngornianit Sermitsiaq suleqatigalugu.
Ilinniagaqartut isumasiuinermi peqataasut Ilimmarfimmi ilinniagaqartut 197-it 28 proceenteraat.
Akissuteqartut procentiat annikippallaaqaaq, universitetimi ilinniartitsisut ilaat isumaqarput, taamaattumik nalilersinnaanngilaat ilinniagaqartut sooq akissuteqarnermissut akissuteqarsimanersut.
Sermitsiaq nutaaq atuaruk.