Ilinniarneq
Ilinniagaqalernissamut piareersarnermut pikkorissartitsisarneq unitsinneqartoq
Ukioq ataatsimi ilinniagaqalernissamut piareersarnermut ilinniarnertuunngorniarfinni pikkorissartitsisarneq maanna matuneqarpoq
Ilinniagaqalernissamut piareersarnermut pikkorissartitsisarneq, siornatigut inersimasunut 23-leereersimasunut GUX Nuummi GUX Aasiannilu ingerlanneqartarsimasoq unitsinneqassaaq aasaq 2016.
Taamaattumik ukioq manna qinnuteqarnerup nalaani qinnuteqaatigineqarsinnaassanngilaq.
Nalilersuineq
- Ilinniagaqalernissamut piareersarnermut pikkorissartitsisarneq nalilersorneqareerluni maanna ilinniakkanut ingerlariaqqiffiusarsimasunut amerlanernut isissutaasinnaajunnaarsimasutut nalilerneqarpoq, Namminersorlutik Oqartussat ilisimatitsipput.
Taamaasilluni pikkorissartitsisarneq siunissami ilinniagaqalernissamut piareersaatitut siunertaaruppoq ingerlanneqarunnaassallunilu.
Piffissami aggersumi taassuminnga ilinniagaqarniarlutik qinnuteqarniartut aqqutissiuussisunit paasissutissinneqassapput innersuunneqarlutillu ilinniakkanut maanna pioreersunut.
Atuaruk: Ilinniarnertuunngortartut amerligaluttuinnarput