børnepasning
Ilinniagaqaqqammersunut inissaqartitsinissamik qularnaarisarneq
Ane Egede Mathæussen Siumumeersoq ilinniakkaminnik naammassinnerlaanut Danmarkimi sivisuumik ilinniartooreerlutik uterusuttunut inissaqartitsinissamik qularnaarisoqartalernissaanik siunnersuuteqarpoq
- Danmarkimi ingerlariaqqiffiusunik ilinniakkaminnik naammassinnerlaat amerlavallaat annaasarpavut meeraannut uteraangata paaqqinnittarfimmi inissaqartitsinissamik qularnaarisannginnatta.
Taama Kommuneqarfik Sermersuumi kommunalbestyrelsimut ilaaortaq, Ane Egede Mathæussen, tunngavilersuuteqarpoq, kommunalbestyrelsimut siunnersuutigigamiuk ilinniakkaminnik naammassinnerlaat nunani allani ilinniagaqareerlutik uterusuttut meeraannut paaqqinnittarfimmi inissaqartitsinissamik qularnaarinnittoqartalissasoq.
Siunnersuut kommunalbestyrelsimit marsip 15-iani ileqquusumik ataatsimiinnermi taperserneqarpoq, maannalu meeqqanut, ilaqutariinnermut atuarfeqarnermullu ingerlatsivik Ane Egede Mathæussenip siunnersuutaa naapertorlugu malittarisassanik nutaanik siunnersuutigineqartussanik suliaqaleruttorpoq.
Aaqqiissutissamilli nassaarniarnissaq ajornaatsuinnaanavianngitsoq kommunalbestyrelsip ataatsimiinneranit imaqarniliami atuarneqarsinnaavoq. Meeqqerivinnut inissamik utaqqisoqartarnera ilisimaarineqarluarpoq. Taamaattumik inuppaalussuit meeqqerivimmi inissarsinissamik tungaanut avaqqutaaralutik ulluuneranik paaqqinnittartunik atuinissartik toqqartarpaat.
Atuaruk: Kujataani meeqqat paaritinnerat akitsussaaq
Allaaserisaq tamaat atuaruk, Nuummilu pisut annertuut annikitsullu takullugit. Tamanut Nuuk Ugeavis uani akeqanngitsumik aasinnaavat: