Ilinniagaqartunut Nuummi najugaqartunut kollegiami inissaqanngilaq
Dette indlæg er udelukkende udtryk for kandidatens egen overbevisning. Sermitsiaq redigerer ikke i indholdet, men forbeholder sig ret til at fjerne indlæg.
IUku allakkat allannerini ilisimatinneqarpunga ilinniagaqartunut maani Nuummi najugaqartunut kollegiami inissat 50-it amigaatigineqartut. 40-it missaanniittut kollegiami initaartinneqarnissaminnut pisariaqartitsivissut, saniatigullu 15-it missaanniittut (18-22 ukiullit) 18-ileereersimasut suli angerlarsimaffimminni najugaqartut. Tamanna ”Nuummi pisuinnaq”-nngilaq, tassa illoqarfinni ilinniagaqarfiusuni Ilulissani, Sisimiuni, Aasianni Qaqortumi Maniitsumi, il.il., aamma taamaappoq. Paasiuminaatsuusoq unaavoq, inuusuttut ilinniagaqarnissaannik kajumissaariarlugit inuusuttunut illoqarfimmi angerlarsimaffigisaaniittunut inigisassaannik neqeroorfigineqarsinnaanngimmata. Ilinniartut illoqarfimmit allaneersut kollegiani inissaqartinneqartarput. Inuusuttut ilaat ilinniagaqarniarlutik illoqarfinnut allanut aallartariaqartarput, tassuunakkut kollegiani inissaqarsinnaanissartik qularnaarniarlugu. Ineriartorneq taanna pitsaavallaanngilaq, taakku nuuttut inuttut attavigisinnaasatik qimattaramikkit, taamaalillunilu ilinniakkaminnik taamaatitsiinnartarnerannut toqqaannanngikkaluamik peqqutaaqataasinnaalluni. Hotel Nuuk tuniniarneqarpoq. (init 48-t missaanniittut). Namminersornerusut Nuup Kommunealu neqerooruteqarput. Namminersornerusut akisunerullutik pisiaraat. Ilanngutassiat una Namminersornerusunut kajumissaarutaavoq, ajornartorsiut pilersitsiviusumik isiginiaqqullugu, tassami piumasaqaataasariaqarpoq Kalaallit Nunaanni ilinniagaqartut tamarmik assigiimmik atugassaqartinneqarnissaat, tassa ilinniagaqartut tamarmik ungasinngitsukkut assigiimmik ilinniagaqarnersiutilerneqarput, tullialu tassaasariaqarpoq, ilinniagaqartunut tamarmik kollegiami inissaqartinneqarnissaat. Ajornartorsiut qulaani taaneqartoq sivikinnerpaamik ukiuni hundredit affaanni atuussimavoq, ajornartorsiutillu aaqqiivigineqarnissaanut piffianngunnginnerluni. Ikiut inuusuttuuffiit nuannersuni nuanniitsunilu inuuffiusoq kingumut qiviarfiusarpoq, taamaattumik inuusuttortagut periarfissanik pitsaanerpaanik naleqqunnerpaanillu naggataagut Kalaallit Nunaannut iluaqutaasussanik periarfissikkallartigit. Kollegiat inunnut inissiat nalinginnaasut sananeqartarnerattut sananeqarsinnaapput, sananermut attartorneq 10/40/50-i atorlugu.