udflytning
Ilinniarfiit nuummiik nuunneqarnissat sillimaffigeqquneqartoq
Nunatsinni ilinniarfiit sisamat illoqarfinnut allanut nuunneqarnissaat Naalakkersuisut pilersaarusiorpaat. KNR taama allappoq.
![Siunnersortitut ilinniarfik Ilulissanut nuunneqariaannaavoq](https://image.sermitsiaq.ag/179151.webp?imageId=179151&width=960&height=752&format=jpg)
Nunatsinni ilinniarfiit sisamat illoqarfinnut allanut nuunneqarnissaat kommunit Namminersorlutillu Oqartussat pilersaarusioraat, Ilinniartitaanermut naalakkersuisoqarfiup KNR-imut uppernarsarpaa.
Siunnersortitut ilinniarfik Ilulissanut nuunneqassasoq, Eqqumiitsuliornermik ilinniarfik Aasiannut, Sanaartornermik ilinniarfik Sisimiunut kiisalu Niuernermik Ilinniarfik Qaqortumut nuunneqassalluni.
Isumaginninnermut siunnersortitut ilinniarfik nuunneqarniarnera Ilisimatusarfimmi isumaginninnermut tunngasunut immikkoortortaqarfiup ernummatigaa.
- Maani matullugu illoqarfimmut allamut nuukkaanni, ilinniartunik naammassinnitsitsisarnerput kissaatigissatsinnut sukkaannerulissaaq, Ilisimatusarfimmi isumaginninnermut tunngasunut immikkoortortaqarfimmi adjunkti Steven Arnfjord oqarpoq.