Ilinniartut sisamat DK-mi inuuneq pillugu oqaluttuarput
"Klar til Studieliv" atorlugu ilinniartut sisamat Kalaallit Nunaann ilinniarnertuunngorniarfiit pulaassavaat,, Danmarkimi ilinniartuunissamut piareersarnissaq pillugu paasititsiniaallutik.
Inuusuttut Danmarkimut ilinniariartoraangamik inuuneq allarluinnanngorsinnaasarpoq. Ilungersunarsinnaasut annertuginarsinnaapput, ilinnialernissamullu piareersimasoqarnerunissaa pillugu Kalaallit Illutaasa suliniut "Klar til Studieliv" aallartippaat.
Suliniummi inuusuttut ilinniartut sisamat nunatsinni ilinniarnertuunngorniarfiit sisamat pulaassavaat, Danmarkimilu ilinniartuuneq pillugu oqaluttuassallutik.
Qaqortumi ilinniarnertuunngorniarfik GUX 22. februar 2024 pulaarneqarpoq, 3.GUX-imi ilinniartut Kristine Rosing-Petersen aamma Naja-Theresia Høeghip oqaluttuaanut tusarnaarluarsimallutik. Taakku oqaluttuarput Aarhusimi nakorsanngorniarneq aamma Københavnimi inatsisilerituunngorniarneq pillugu, Kalaallit Illuutaat tusagassiorfinnut nalunaarummi allapput.
Ilinniartut: Uteriitsuusariaqarpoq
- Eqqaamassavarput qallunaaniit allaanerugatta, danskillu ilinniaqqiffiini atuagarsorneq ilungersunarsinnaagaluartoq, taamaattoq uteriitsuunissaq pisariaqarpoq. Nunani allani ilinniagaqarneq inuttut ineriartornartorujussuuvoq, Naja-Theresia Høegh oqarpoq.
Kalaallit Illuutaat ilisimatitsivoq Klar til Studielivip Kalaallit Nunaanniit Danmarkimut ilinniariarnisssamut aqqutissiuussinissap pisariaqassusaa eqqumaffigilluarlugu.
- Neriuutigaarput danskit ilinniaqqiffiini maanna ilinniagaqartut oqaluttuarnerat suliniutip siunertaanut iluaqutaassasut, allapput.
Nuummi GUX ataasinngornermi pulaarneqassaaq.