Ilinniarneq
Ilisarititsinerit 12-t Kalaallit Nunaata siunissaanik assitaliissapput
Filmit ilisarititsisut inuusuttut ilinniakkamik toqqaaniarnerannut isumasititsillutillu nukittorsaassapput
Igasoq, receptionisti, trafikassistenti, ilinniartitsisoq, neqaarniartoq, pisiniarfimmioq aamma Ilisimatusarfimmi ilinniartoq.
Filmini ilisiarititsinerni naatsuni aqqaneq-marlunni inuit assigiinngilluinnartunik tunuliaqutaqartut ilinniarnertik oqaluttuarissavaat, ilaat suli ilinniartut, ilaallu ilinniakkaminnik naammassinneqqammertut.
Misilittakkat
Filminik inuit maligassiuisussat ilaatigut unammillernartutm eqqarsaatit aamma ilinnialinnginnerminni ilinnialereernerminnilu misilittakkatik oqaluttuaraat.
Filmit Don't Think Twice Filmimit Namminersorlutik Oqartussanut suliarinnissutaapput.
Nukittorsaatit
Taakku siunertaraat inuusuttut ilinniarkkaminnik toqqaanissaannut isumasititsinissaq nukittorsaanissarlu, aammalu unammilligassat naatsorsuutiginngisat aalajangiinerillu kukkusut annikillisarnissaat.
Filmit tulleriiaarlutik KNR-imi saqqummersinneqartassapput, aammalu Namminersorlutik Oqartussat ilinniarnermut tunngasumik nittartagaani www.iserasuaat.gl kiisalu Youtubemi takuneqarsinnaasspput.