Ilisimatooq: Imermik nukiliorfiit sananeqarlit
- Taamaalilluta sermimit aakkiartortumit nukissamik pisinnaakutsoorpugut, issittoq pillugu ilisimatooq innersuussivoq.
Nukissiuutigineqareersut sipaarfigineqarsinnaapput sermeq aakkiartuinnartup qanoq ilinera paasigaanni. Taama tupaallatitsisumik isumaliutersuuteqarpoq Sebastian Mernild University of Alaska Fairbank, USA-meersoq. avisen.dk. allappoq.
- Maannakkut pisut atorluaannarneqarsinnaapput. Tunumi erngup nukinganik nukissiorfiit pilersinneqarpata aningaasanik CO2-millu sipaartoqarsinnaavoq, erngup nukinganik nukissiorfik nunarsutta silaannaanut gasseqaleriartortitsiuarneranut killiliisinnavoq, Sebastian Mernild oqarpoq.
Taannaavoq naatsorsuinermigut sermersuup naatsorsuutigisamit aakkiartorneranit paasisaqartoq. Issittoq pillugu ilisimatuup naatsorsorsimavaa ukiut ikittuinnaat ingerlaneranni sermermit imeq aattoq 50 procentimik aannerussasoq 450 km3-mit 670m3-mut.
Isumassarsiaa sianiilliornerunngilaq, pitsaasumilli naatsorsuisoqarpat iluatsissinnaavoq, nukissiuutit pillugit pilersaarsusiornermik proffesori Henrik Lund, Aalborg Universititemeersoq oqarpoq.
– Sannartorfigineqartussaq aaqqiviginiarneqartussatut oqaatigineqarsinnaanngilaq, tassami Kalaallit Nunanni nukissiorfiliortoqassappat imermik nunamillu amigaateqartoqanngimmat. Emermilli qanoq atsigisumik, tassa sarfarmit qanoq atsigisoq nukissiuutiliortoqarsinnaananera qularnarpoq, Henrik Lund oqarpoq.
Kalaallit Nunaannimi suliffissuaqanngilaq sarfapilorujussuarmik atuisunik.
– Sarfaq angisoorujussuaq atorneqassappat aluminiliorfimmik allamilluunniit sarfamik atuisorujussuarmik pisariaqartitsisumik sanasoqartariaqaroq, Henrik Lund oqarpoq innersuussutigalugu Island. Nunami tassani iluatsilluartumik sanasoqarsimammat. Sanaartortoqalissagaluarpalli imeq sermimit aattoq qujamaasuutigiinnarneqarsinnaanngilaq, Henrik Lund eqqaasitsivoq.
- Taamaattumik sanaartorneq naviaateqarsinnallunilu isumannatsuinnaangilaq, Henrik Lund avisen.dk.-mut oqarpoq.