Ilisimatooq: Kalaallit Nunaat issittumi pingaarutilimmik inisissisimanerminut nalornisitsivoq
Nunat issittormiuunngitsut soorlu Kina, EU aamma Tuluit Nunaat issittumut periusissiaqarput, takutikkumallugu nunatut akisussaaqataallutik issittumi ineriartortitsinermut illersuinermullu suleqataasinnaassuseqaramik. Issittormi peqataaffigissallugu soqutigineqarluarpoq.
Kalaallit Nunaanni nukinngutigineqarani nunanut allanut, sillimaniarnikkut illersornissamullu politikkissaq suliarineqarpoq. Nunat tamalaat akornanni suliniaqatigiiffinni piumasaqaataanngilaq issittumut periusissiaqarnissaq, Danmarkimi nunanut allanut ilisimatusarfimmi DIIS-imi issittumi kinaassuseq, diplomati aamma illersornissaq pillugu ilisimatooq, Ulrik Pram Gad nassuiaavoq.
Aviisi Sermitsiaq taama allappoq.
- Nunat tamalaat akornanni issittumut periusissiaqarnissaq piumasaqaataananilu inatsiseqanngilaq, nunat tamalaallu akornanni suliniaqatigiiffinni soorlu Naalagaaffiit peqatigiinni peqataaniaraanni piumasaqaataanngilaq, Ulrik Pram Gad oqarpoq. Issittumili periusissiaqarnikkut nunat tamalaat akornanni suleqataarusunneq takutinneqartartoq tikkuarpaa.
- Issittumi periusissiaqarnikkut nunanut allanut takutikkusunneqartarpoq, politikkikkut nunat tamalaat suleqatigiinneranni soqutiginnilluni akisussaassueqarlunilu issittumi ilusilersueqaqataarusunneq. Issittup illersorneqarnissaanut ineriartortinneqarnissaanullu takorluukkat allaaserineqarlutik, Ulrik Pram Gad oqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
