Ilisimatusarfimmi taamaatiinnartut aatsaat taamak ikitsigisut
Ilinniartut aatsaat taamak ikitsigisut ilinniarnerminnik unitsitsiinnarsimapput. Ilinniarnerminnik unitsitsiinnartartut ukiualunnguit matuma siorna 40 procentit sinnerlugit amerlassuseqarsimasut 2019-imi 8 procentiinnanngorsimapput.
Ilisimatusarfimmi ilinniartut ilinniarnerminnik ingerlatsiinnarnissaat anguniarlugu assigiinngitsutigut suliniuteqarsimaneq iluatsissimavoq.
Aatsaat taamak ikitsitigut unitsitsiinnarsimasut
Siorna ilinniartut 8 procentii ilinniarnerminnik unitsitsiinnarsimapput, aatsaallu taamak ikitsigisut unitsitsiinnarsimallutik, rektori Gitte Adler Reimer KNR-imut erseqqissaavoq.
Taamatut nuannersumik pisoqarneranut suliniutit assigiinngitsut nassuiaatissaasut erseqqissaassutigineqarpoq:
Ilinnialernissamut piumasaqaatit qaffanneqarsimapput
Siunnersorteqartitsisarneq atuutsinneqalersimavoq
Soraarummeernissamut annilaangasarneq pinngitsoortitsiniarlug ilitsersuisoqartalersimavoq
Ilinniartut sullinneqartarnerat pitsanngorsaaffigineqaarsimavoq
Danskisut tuluttullu pikkorissaasoqartalersimavoq
Ilinniagaqarnissamut piareersaatitut workshoppertitsisoqartalersimavoq
Siorna Ilisimatusarfimmi piffissaq tamakkerlugu ilinniartut 714-iusimapput.
Ukiuni kingullerni tallimani ilinniarnerminnik unitsitsiinnarsimasut amerlassusaat procentinngorlugit:
2019: 8 procent
2018: 21 procent
2017: 34 procent
2016: 35 procent
2015: 44 procent