Iliuuseqarnissamut ukiut quliinnaat piffissaapput
Al Gore-p nunarsuarmioqatigiit qullersai kajumissaarpai silaannaap pissusaa pillugu nutaamik isumaqatigiissusiornissamut suliaminnik ingerlatitseqqiinnaqqullugit - USA peqataarusunngikkaluarpalluunniit.
- Ilisimatuut oqarput silaannaap allanngoriartornerisa unitsinneqarsinnaajunnaarlutik ingerlaannalernissaannut ukiut qulinik ikinnerusut taamaallaat piffissarilerpagut. Ilisimatuut ilumuussappata taava piffissap affaa oqalugiarnernut atussavarput? Massakkut iliuuseqartariaqarpugut.
USA-p præsidentiata tullersorterisimasaata Nobelillu nersornaasiuttagaanik nersornaatisisimasup Al Gore-p kajumissaarutaa paatsoorneqarsinnaanngilaq, Bali-mi silaannaap pissusaa pillugu isumasioqatigiinnersuarmi takkuteriataarmat.
- Isumaqatigiissummi Københavnimi isumaqatigiissutigalugu atsiorneqartussami anguniagassat aalajangersimalluinnassapput. Kisianni Koyto-mi isumaqatigiissut 2010-mi tamakkiisumik atuutilersinniartigu, 2012-imut utaqqinnagu. Utaqqisinnaanngilagut, Al Gore isumasioqatigiittunut nipituuliorpoq.
- Piffissaq utertissinnaanngilarput. Ukiualuit qaangiuppata kingumut qiviassaagut marlussunnillu aperaluta. aperisinnaavugut ima: Suna taamanikkut eqqarsaatigigassiuk? FN-ip silaannaap pissusaa pillugu ilisimatuui tusaannginnassigit? Qalasersuarmi siku aakkiartortoq takunnginnassiuk?
Ilumut takunnginnassiuk, imaluunniit soqutiginnginnassiuk?, jp.dk naapertorlugu taamak oqarpoq.