Illersornissaqarfiup umiarsuarnik takornariartaatinik Tunup avannaani angalasoqarnissaa mianersoqqussutigaat
Videomi nutaami, inoqatinut attaveqaqatigiittarfinni YouTubemilu saqqummiunneqartumi, Issittumi Sakkutooqarfiup umiarsuaq Ocean Explorer Mestersvigip eqqaani siorna ikkarlimmat annaassiniarneq oqaluttuaraa.
- Taama pisoqanngisaannartussaagaluarpoq. Videomi nutaami illersornissamut oqartussat Tunup avannaani annaassiniarnermik aallartitsisimanerannut tunngasumi, tassa siorna septembarip 11-anni umiarsuaq takornariartaat Ocean Explorer Alpefjordimi Nunami Allanngutsaaliukkamiittumi ikkarlereersorlu, taama ersarissumik oqariartuuteqartoqarpoq. Video taamaalilluni Kalaallit Nunaanni umiarsuarnik takornariartaatinik angallassinermut tapersersuisunut akerliusunullu – pingaartumik Tunup avannaani nunami allanngutsaaliukkami – ilanngutassiaavoq oqallinnermut pingaarutilik.
Aviisi Sermitsiaq taama issuaavoq.
Videomi Issittumi Sakkutooqarfimmi pigaartoq, timmisartortartoq sakkutuullu timmisartuisa naalagaat Flemming Hybel Madsen, timmisartumik HYD-imik taaguutilimmik, nalunaaquttap akunnerini pissanganartuni, kalerrisaarummik aallartitsinerup kingornanit septembarip 14-iata tungaanut, Pinngortitaleriffiup umiarsuaata ilisimatusarnermik ingerlatsisup Ocean Explorerimik kaanngartitsinissaata tungaanut, oqaluttuartoq malinnaavigaarput. Allaaserisaq CNN-imit, ajutoorneq pillugu annertuumik aallakaatitsisumit, immiunneqarsimavoq – ilaatigut Ocean Explorerimi ilaasunik apersuisoqarluni.
Aviisimi Sermitsiami mianersoqqussut, tamassumalu tunuliaqutaa pillugu atuarnerusinnaavutit. Aviisi uani pissarsiariuk:
