attaveqatigiinneq
Illoqarfiit amerlanerusut 3G-mik attaveqaatilerneqassapput
Nunatta kujataani, Meqquitsumi Qeqertarsuarmilu 2G-mit 3G-mut attaveqaatilerneqassapput septembarimit
Tele-Postimi teknikerit attaveqaatit pitsanngortinniarlugit illoqarfinni assigiinngitsuni suliaqarput, tassa 2G-mit 3G-mut nutarsaagamik. Mobililli qangarnisaanerusut ilaat 3G-mut attaveqaateqarsinnaanavianngillat.
Sermersuuni aamma kujataani Aarsuutaani nutarsaasoqarpoq. Qeqertarsuarmi Qaqqaani aamma nutarsaasoqarluni.
- Sumiiffinni pineqartuni pingasuni internetimut attaviup sukkanerulersissinnaanera nuannaarutigaarput. Malugeqquarpulli innuttaasut nunaqarfinni qanittuniittut mobiltelefonii qanganisaanerusut 3G-p attaveqaataanut attaveqarsinnaanngissinnaanerat, Tele-Postimit Jonas Hasselriis Nioqqutinut Nittarsaassinermullu pisortaasoq nassuiaavoq.
Meqquitsoq Nuup kujataani Utoqqarmiut Kangerluarsunnguata eqqaanniippoq, tassanilu GSM-imik attaveqaateqartoqarnikuunngilaq. Nutarterisoqareernerani 3G-mik Polar Oilimit aamma atorneqartarnissaa siunnerfigineqarpoq.
Atortunik nutarsaasoqassaaq septembarimi.