Illoqarfimmi allami aamma killersuutit atuutsinneqalersut
Maniitsumi tunillaassuisutut ilisimaneqanngitsumit tunillaassuisoqartoq paasineqarsimavoq, taamaammallu killilersuutit atuutsinneqalerlutik, Namminersorlutik Oqartussanit ilisimatitsissutigineqarpoq.
Maniitsumi killilersuutit unnuap-qeqqaniit aallartittumik atuutsinneqalersimapput. Tamanna pivoq tunillaassuisutut ilisimaneqanngitsumik tunillatsissimasumik nassaartoqarmat, Namminersorlutik Oqartussat sisamanngornermi unnukkut ilisimatitsipput.
Killilersuuteqalernikkut ilaatigut coronamut atatillugu uppernarsaateqarnissaq, init tamani iserfigineqarsinnaasut isersimasorisinnaasaasa killilerneqartarnissaat aamma qanermut assiaqummik visirimilluunniit atuisarnissaq piumasaqaataalerput.
Sisimanngornermi tunillatsissimasut amerlassusaat Nunatsinni Nakorsaaneqarfimmit saqqummiunneqanngillat, tamatumunnga kisitsisit saqqummiunniarlugit teknikikkut ajornartorsiuteqarsimaneq pissutaasimavoq. Namminersorlutik Oqartussat sisamanngornermit Sermitsiaq.AG-mut taamatut ilisimatitsissuteqarput.
Tunillatsissimasut amerlassusaat kingullermi pingasunngornermi januaarip tallimaani saqqummiunneqarput, tassani takuneqar sinnaavoq, Maniitsumi marlunngormalli tunillatsissimasut 14-it nassaarineqarsimasut.
Namminersorlutik Oqartussat pingasunngornermi nalunaarutigaa, Ilulissani killilersuutit atuutsinneqalersimasut.
Killilersuutit paasisaqarfigineqarnerusinnaapput uani, Naalakkersuisut nittartagaat.