Illuaraq sapaatiummat ikuallattoq
Illuaraq takornarialerisut pigisaat sapaatiummat ualikkut ikuallappoq. Politiit ikuallannermut suna pissutaanersoq misissorpaat.
Nuup kangerluisa ilaanni Kang Skicenterip illuaraasa ilaat sapaatiummat ualikkut ikuallappoq.
Kalaallit Nunaanni Politiinit tamanna uppernarsarneqarpoq:
- Kang Skicenterimi illuaraq nungulluni ikuallappoq. Politiit qatserisartullu sumiiffimmut ornigupput. Ikuallattup qaminniarnera iluatsinngilaq, pigaartut pisortaat Jørgen Madsen Sermitsiaq.AG-mut oqarpoq.
Kalaallit Nunaanni Politiit sapaatiummat nalunaaqutaq 17.16 ikuallattoqarneranik nalunaarfigineqarput.
Ajoqusertoqanngilaq
Ikuallattoqarnerani Kang Skicenterimiittoqarsimavoq. Ikuallattoqarneratali nalaani illuaraq inoqarsimanngitsoq, taamaattumillu ajoqusertoqarsimanngitsoq, politiit nalunaarput.
- Politiit ikuallassimasoq misissorniarlugu sumiiffimmut ullumi uteqqissapput. Misissuinermi ikuallattoqarneranut suna pissutaanersoq paasinarsissaaq, maannalu suliaq pillugu oqaaseqaqqissinnaanngilagut, Jørgen Madsen oqaluttuarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...