Illuatungiliuttut aviisiat
Demokraatit isumaqarput AG-mi ullumikkut saqqummersumi allaaserisami pingaarnerpaami salluliorluni allaaserisaqartoq, aviisilu Siumup isumaa assigalugu tunngavissaqanngitsumik illuatungiliuttoq
Demokraatit AG-p pingaarnertut allaaserisamini sallut siammartigai akuerisinnaanngillu-innarpaat. AG ajoraluartumik imminut kinguneqarluartussanik ujartuisuunngitsutut il-luatungiliuttutut inississimavoq – soorlu aviisip politikkikkut partiini nuannarinerusaat Siumut assigilaarlugu. , Anda Uldum aamma Niels Thomsen, Demokraatit, tusagassiuutinut taamatut allapput.
AG-p ullumikkut pingaarnertut allaaserisaa (24. februar) Kuupik Kleist-imut Demokraatinullu ajortisaarinerujussuuvoq. Taamatut tatiginanngitsumik saassussineq Demokraatiniit soorunami akinngitsoorsinnaanngilarput.
AG-p imatut pasillerpaatigut: (Issuaaneq)
”IA-llu pingaartitai tammarsimammata Demokraatit oqaaseqaataat annertusiartorpoq, tassalu arlaannarpulluunniit susinnaanngitsoq. Taamaalilluni paasineqarsinnaavoq Namminersorluni Oqartussani atorfiit innuttaasunit najugaqavissunit atuarneqarsinnaannginnerat imaluunniit qinnuteqaatigineqarsinnaannginnerat, paasissutissiisarnermi teknikkikkut atortunik atorluarsin-naasunik aatsaat peqarsimagaanni takuneqarsinnaallutik – internetimi attaveqaatinik atuarsin-naalluni internetillu akisoorsuup atornissaa akissaqartikkaanni.”
Akuersaarsinnaanngilluinnarparput AG-p oqarnera Demokraatit isumaqarnerarlugit kikkut tamarmik susinnaanngitsut. Tamanna oqaaseqarfiginikuunngisaannarparput, taamaattumik oqaaseqaat isigisariaqarparput AG-p politikkikkut anguniagaata ilaattut Siumup pissaanermut uteqqinnissaanut. Demokraatit killormut ersarilluinnartumik isumaqarput inuiaqatigiitsinni kik-kut tamarmik pisinnaasut. Upperivarput, inuit nittartakkamut isersinnaasut atorfinnullu annonce-nik atuarlutik, kisianni tamanna AG-p upperisimagunanngilaa. Demokraatit AG-p isumaa innut-taasut piginnaasaannit nikaginninnerujussuartut isigaat.
Taassumap saniatigut AG-p oqaatigaa IA-p pingaartitai tammarsimasut. Taanna oqaatigisaq quianaannarpoq. AG-mut eqqaasitsissutigisigut ilaatigut Nunarput Isiginnaartitsisarfittaarsimasoq, ilageeqarneq pillugu inatsisitaartoqarsimasoq aamma meeqqanut inuusuttunullu amerlanernik aningaasaliisoqarsimasoq. Tassa ilaatigut IA-p anguniarsimasai. Kisiannimi oqariartortarneq IA Demokraatinit aqunneqartoq Siumup oqaatigiuartarmangu, tupinnarpallaanngilaq AG mas-sakkut aamma taamatut isumaqarmat.
Naggataagut Kuupik Kleist-imut tunngatillugu imatut oqarta: Demokraatit Kuupik Kalaallit Nu-naata oqaluttuarisaanerani Naalakkersut siulittaasorisimasaani pikkorinnerpaatut akisussaassuseqarnerpaatullu isigivaat. AG soorunami isumaqarsinnaatitaavoq Kuupik ersinngippallaartoq, sanngiitsoq akerliliiumanngitsuusorlu. Quianaannartumilli ilisarnaasiunniunneqartut tassaapput Siumup Kuupimmut ilisarnaasiunniartuarsimasaat. Nalaatsornerua? Uangut taamaassorinngivipparput.Taamatut naggasiipput Anda Uldum aamma Niels Thomsen.
AG'p pingaarnerutillugu allaaserisaa tamakkerlugu ataani aviisimi atuarsinnaavat.