Illukut isaterneqassapput
Kommuni ineriartortitsinialerpoq nunamut tamarmut sunniuteqarsinnaasumik: Illut aserfallassimasut isaterlugit: - Illut isasoorpata meeqqanik ajoqusertoqarsinnaavoq, kommuni siulittuivoq.
Nunami illoqarfiit nunaqarfiillu 80-it ilarpassuisa ajornartorsiut nalunngilaat: Illukut isasooqqajaasut illoqarfimmut takussunarsaataasut.
Aviisi AG allappoq.
Qeqqata Kommuniani ajornartorsiut maanna iliuuseqarfiginiarneqalerpoq. Suliassaq sivisuumik naammassiniagassaavoq, kommunalbestyrelsilli aalajangiineratigut aallartisarniarneqalereerpoq, nunami sumiiffinni allani immaqa malinniarneqarsinnaasumik.
Allakkatigut takussutissiakkut, politikerit aalajangiinnginneranni allattoqarfimmit suliarineqarsimasukkut, ajornartorsiutip annertussusia qulaajarneqarsimavoq.
- Nalilerneqarpoq kommunimi tamarmi illunik nutarterinissaq pisariaqartinneqartorujussuusoq, allattoqarfik naliliivoq.
Ajutoornerit
Kommuni naapertorlugu illut nutarterneqarnissaannut pissutissarpassuaqarpoq. Isumannaatsuuneq pingaarnersaavoq.
- Illut arlallit ima aserfallassimatigaat isumannaatsuunermut ulorianartuullutik. Illut tamakkiisumik ilaannakortumilluunniit isasoorpata ajoqusertoqarsinnaavoq, imaluunniit meeqqat allalluunniit illunut tamakkununnga iserlutik angalaartarunik ajunaartoqarsinnaavoq, kommunalbestyrelsimut inassuteqaammi erseqqissarneqarpoq.
Aviisimi AG-mi atuarnerusinnaavutit: