Iluliarujussuaq avippoq
Iluliarujussuaq nunatta kitaata avannaani iigartartumit Petermannimit pinngortoq ikkarluk aqqusaareerlugu marlunnut avippoq.
Iluliapiluunersuaq qaammammi kingullermi iigartartumiit Petermannimiit kaanngartoq maannakkur kigaatsumik nunatta Canadallu akornanni Naresip ikersuatigoorpoq, tassaanerulluni qeqertaq puttasoq - Langelanditut takitigingajalluni.
Taama allappoq Ritzau.
1962-imiilli aatsaat taama angitigisumik iluliaqarpoq 260 kvadratkilometerulluni 200 meterinillu issussuseqarluni. Piffissap ilaani ilisimatuut isumaqarsimapput, puttaarsuaq ikkarlilluni angallavinnik assiiumaartoq. Qaammataasakkulli assit takutippaat maannakkut marlunut avissimasoq, arlaleriarluni Naresip ikersuani qeqertaaqqamut Joeimut ikkarlereerluni.
- Qaammataasakku tassilisami qeqertaaraq takuneqarsinnaanngingajappoq ilulissamit mikinerujussuugami. tassaniipporli. Qeqertaaraavoq ikkarluk, USA-mi University of Delawaremi ilisimatooq Andreas Muenchow nunaatsiassaqartitsivimmut CNN-mut oqarpoq.
- Immap sarfaasa anorillu sakkortussusaannik iluliarujussuaq qeqertaaqqamut aportarpoq, aserussutigisaanik, nangippoq.
Iluliarsuup annerssaa 110 kvadratkilometiuvoq, mikinerlu minnerpaamik 51 kvadratkilometeriulluni.
Maluullutik Naresip ikersuatigoorlutik Canadami Qeqertaaluup tungaanut ingerlaarput, tassungali apississangatinneqarput aatsaat ukiut malrussuit qaangiuppata. Taamanikkussamut aannerminni minnerujussuanngorsimassapput.