Kalaallit Røde Kors:
Ilulissani 50.000 koruuninik tunissuteqarput
Ilulissani Kalaallit Røde Korsianit tunissutisisut juullisiorluarnissaminnut periarfissinneqarput.
Kalaallit Røde Korsiat Ilulissaniittoq aningaasanik 50.000 koruuninik ilaqutariinnut juullimut immikkut pisariaqartitsisunut agguaassipput.
- Ilulissani illoqarfimmi kiisalu nunaqarfiinni, ilaqutariit immikkut pisariaqartsisisut aningaasanik tunissuteqarfiginiarlugit Ilulissani pisiniarfimmi atornikuerniarfimmi sulisut kiisalu Ilulissani Kalaallit Røde Korsiani siulersuisut isumaqatigiipput, Kalaallit Røde Korsiaani Ilulissani siulittaasoq Regine Biilmann oqaluttuarpoq.
Ilaqutariit katillugit 40 missaaniittut arfininngormat juullerpalaartitsinikkut nalliuttorsiornertalerlugu ataatsimoortinneqarneranni aningaasat agguaanneqarlutik.
- Perorsaanermik Ilinniarfimmi Kalaallit Røde Korsiat Ilulissat juullimut ilaqutariit juullimut pisiniutissaanut agguaasinermi orpiliaq aamma kaavinneqarpoq, Regine Biilmann tusagassiuutinut nalunaarummi allappoq.
Aningaasanik ilaqutariinnut immikkut pisariaqartitsisunut 50.000 kr. missaaniittunik Lions Club Ilulissat, NunaFondenimiit, Dansk Røde Kors Dronninglund-Hallerupimiit tunissuteqarput.