Ilulissani aningaasat salloqittaatit
Ilulissani politiit aningaasat salloqittaatit 100 koruunit aamma 500 koruunit arsaarinnissutigaat. Angutit pingasut tigusarineqarput.
Annonse
Angutit pingasut 20-t sinnerlugit ukioqartut sapaatit akunnerisa naaneranni Ilulissani tigusarineqarput salloqittaatinik 100 aamma 500 koruuniliorsimasutut. Angutit ilaata angerlarsimaffiani politiit misissuinerminni aningaasat salloqittaatit arlaqartut nassaaraat arsaarinnissutigalugillu. Aningaasaasat ilaat niuertarfimmi aamma imerniartarfimmi sapaatit akunnerani kingullermi aamma nassaarineqarput.
- Oqaatiginianngilara sumi aningaasaasaliorsimanersut, kisianni oqaatigisinnaavara angutit taakku peqatigiillutik aningaasaasaliorsimasut, Ilulissani politiit pisortaat, Janus Eigaard oqarpoq.
Angutit eqqartuussivimmut suli sassartinneqanngillat, kisianni naatsorsuutigisariaqassavaat eqqartuunneqassallutik.