Ilulissani eqqaavissuaq suli ikuallappoq
Kalaallit Nunaanni Politiit Facebookikkut ilisimatitsipput, Ilulissani eqqaavissuaq suli ikuallattoq
Ilulissani eqqaavissuaq sapaatip akunnerani kingullermi pingasunngornikkut ikuallalluni aallartippoq. Politiit qatserisartullu ikuallattumik suli qamisaapput. Kalaallit Nunaanni Politiit Facebookikkut tamatumannga ilisimatitsipput.
- Ilulissani ikuallattoq annikilliartorpoq, anorilli sammivia apeqqutaalluni ilaatigut ikummarissisarpoq, politiit allapput.
- Suli eqqaavissuup pujornerata kingunerivaa qatserisartut aammalu politiit suli suliaqarnerannik.
Taamaammat innuttaasut sulisunut ataqqinnillutik qanillaanaveersaarnissaat piumasaqaataavoq.
- Qatserisartut politiillu eqqissillutik suliniassammata, suliffeqarfiit inuinnaallu politiit assersorsimasaannik ataqqinneqquneqarput.
Politiit allapput, ikuallanneq allatut isikkoqalerpat nutaamik nalunaaruteqartoqarumaartoq.