Ilulissani ipilluni ajunaartoq

Angut 54-inik ukiulik inummik allamik angallammiittumik oqaloqateqarpoq, saraannermigulli talittarfiup angallatillu killingatigut nakkarpoq. Ikiorneqarluni qaqinneqarpoq nunninneqaramilu uumalluni.

- Talittarfik quasappoq angullu aalakoorami nikorfaniarnerminut ajoqutigaa, nakkarlunilu. Takunnittoqarpoq, pinerliinermillu peqquterani, taamaattumik ajunaarnertut alianartutut nalilerparput, Ilulissani politiini ulluinnarni aqutsisoq Kasper Berthelsen oqarpoq.

Sivikitsumik immamiinnermini angut puammigut imeqalersimavoq, Ilulissallu napparsimmavianut apuunnerminiit akunnerup affaa qaangiummat toqulluni.