Ilulissani Sermermiut eqqaani toqungasumik nassaartoqartoq
Ilulissani Sermermiut tungaannut pisuttuartut angummik toqungasumik arfininngornermi nassaarput. Kalaallit Nunaata Politiivisa tamanna uppernarsarpaat.
Takornariat nunamut pisuttuartut Sermermiut Isfjordcenterip eqqaani arfininngornermi 1. januar 2022 angutip inuusuttup timaanik toqungasumik nassaarput.
Kalaallit Nunaata Politiivini pigaartut aqutsisuat Gedion Qvist Sermitsiaq.AG-mut taama uppernarsaavoq.
- Pisoqatigiittut angut inuusuttoq siullermik ikiorniarsimagaluarpaat. Qanorli iliorsinnaannginnamik ambulancenik kalerriisimapput, Sermitsiaq.AG-mut oqaluttuarpoq.
Toqungasumik nassaartoqarsimaneranik nalunaarut politiit arfininngornermi nalunaaqutaq 13.14 pivaat.
Toqungasumik nassaartoqarneranut tunngatillugu paasissutissanik amerlanerusunik politiit peqanngillat. Sulilu oqaatigineqarsinnaanngilaq pinerluttoqarsimanersoq.
Pigaartut aqutsisuat ilisimatitsisup toqusup timaa ataasinngornermi 3. januar misissorneqassasut, taassumalu kingorna paasissutissat amerlaneroratarsinnaasut.