Ilulissani syfilisimik tunillatsissimasut arlallit
Ilulissani syfilisimik tunillatsissimasut arlaliusut Ilulissani qitiusumik napparsimmaviup ilisimatitsissutigaa. Kingullertigut innuttaasut nappaammik tunillatsissimasut arlallit paasineqarput.
Ilulissani innuttaasut kinguaassiuutitigut nappaammik syfilisimik tunillatsissimasorisut peqqinnissaqarfimmi misissortinnissamut kaammattorneqarput.
Kingullertigut innuttaasut nappaammik tunillatsissimasut arlallit paasineqarput. Taama qitiusumik napparsimmavik Facebookimi quppernermini ilisimatitsivoq.
- Syfilis aallartikkajuttarpoq kinguaassiutitigut qanikkulluunniit ippigisaqarnikkut. Taassuma kingorna timikkut naajorarnerit pisinnaapput aammalu amerlanertigut assakkut alukkulluunniit pisinnaasarluni. Qinersikkut pullattoortoqarsinnaavoq kissarneqartoqarlunilu, ersiutit taama nassuiarneqarput.
Nappaat kingunerlussinnaavoq nakorsaaserneqarsimanngikkaanni, sianiuteqarfiit uummatillu taqarsuai sunnerneqarsinnaallutik.
Nappaat penicillinimik kapitinnikkut katsorsarneqarsinnaavoq.