Ilulissat eqqaanni ujaasineq
Ilulissani politiit saaffiginninnerat tunngavigalugu nakkutilliissut Knud Rasmussen Ilulissat avataanni ujaaseqataasimavoq.
Raketti kalerrisaarut Ilulissaniit sømilimik avasinnerusumi takuneqarsimasoq suli paasisaqarfigineqanngilaq.
Ilulissani politiit, juullikkunni Forsvarskommandoen peqatigalugu marloroarlutik Ilulissat avataanni ajornartorsiortunik ujaasiartortariaqartarsimasut taamatut oqaluttuarput.
Siullermik arfininngormat unnukkut rakettinik kalerrisaarutinik marlunnik takusoqarsimavoq.
Tamatuma kingorna Ilulissani politiit tamaani ajornartorsiorsimasinnaasunik ujaasiartorput, umiarsuarlu nakkutilliissut Knud Rasmussen politiinut ujaaseqataajartortinneqarpoq.
Politiillu aamma piniarnermik nakkutilliisut angallataat Tuukkaq IV ujaaseqataatissimavaat.
Decembarip 27-anni ualikkut aamma ajutuulernermi kalerrisaarummi Ilulissat Kangerluata eqqaani takusoqarpoq. Knud Rasmussen Tuukkaq IV-lu taavunga ujaasiartortinneqarput.
Silarluleriartortumi sivisuumik ujaasisoqareersorlu malunnartorsisoqanngimmallu ujaasineq sapaammi unnukkut taamaatinneqarpoq.
– Ajornartorsiortunik naammattuugaqanngilagut, Ilulissani politiit nalunaarput.