Ilulissat: Palaseqarfimmi ikuallattoqarnerani atuagarsuit ajoqusinngillat
Ilulissani palaseqarfiup allaffia arfininngormat ikuallammat atuagarsuit ajoqusersimanngillat
Ilulissani palaseqarfiup allaffia, Ilulissat palaseqarfiata aamma Avannaani Provsteqarfiata allaffeqarfeqarfiatut atortoq, arfininngornermi ikuallappoq.
Ikuallattoqarneranik nalunaarutiginnittoqarnerata kingorna politiit qatserisartulli ornigutiaarnerisigut qujanartumik palaseqarfiup allaffiani ikuallanneq qamilertorneqarpoq.
Angut 35-nik ukiulik tassani tigusarineqarpoq sapaammilu killisioreerneqareerluni ulluni 25-ni tigummigallangassanngortinneqarpoq ikuallitsisimasutut pasineqarluni.
Aamma atuaruk: Ilulissat: 35-nik ukiulik ikuallatsissimasutut pasineqartoq
Atuagarsuit ajoqusersimanngitsut
Avannaata provstia Marianne Platou Olsen Sermitsiaq.AG-mut paasissutissiivooq palaseqarfiup allaffiani Provesteqarfik Avannaata allaffeqarfiani ikuallattoqarsimasoq.
- Ilulissani Palaseqarfiup atuagarsuaatai inini allamiitinneqarmata atuagarsuit, qarasaasiat toqqortaatilluunniit ajoqusersimanngillat, Marianne Platou Olsen oqarpoq.
Ilulissani Palaseqarfik Provsteqarfik Avannaalu ikuallannerup kingorna maanna ammaqqinneqarsimalerput.