Ilulissat portusuunik illorsualiorfiusussanngorpoq
Ilulissat illoqarfiata qeqqa qanoq isikkoqalissava? Tamatumunngami pilersaarusiaq Ilulissani innutaasut junip 6-ani ataatsimiitinneqarpata sammineqassaaq.
Ilulissat illoqarfiata qeqqani pilersaarusiaq nutaaq pillugu oqalliseqataagit.
Taama kommunalbestyrelsi kaammattuivoq, taakkumi Ilulissani illoqarfiup qeqqanut pilersaarusiaq nutaaq saqqummiunneqarpat innuttatik isumasiorusuppat, tamannalumi junip 6-ani nal. 19.00 Sillit-mit pissaaq.
Pilersaarullumi malillugu illoqarfiup qeqqa tattoqisaaffiulissaaq. Tassami ukiuni aggersuni illoqarfiup qeqqa inissiarpassuarnik suliffeqarfippassuarnillu sanaartorfigineqassaaq.
Eqqortumik oqaatigissagaanni illoqarfiup qeqqa qanoq sanaartorfiuneqassanersoq aalajangiunneqartussanngorpoq. Pilersaarsiarlumi atuaraanni illoqarfiup qeqqa amerlanernit ornigarneqarsinnaasunngorsarneqassaaq, tassa illoqarfiup qeqqarpalaarluni. Pilersaarummilu siunnersuut malillugu illoqarfiup qeqqa sanaartorneq killilersuineq aallaavigalugu ingerlanneqassaaq. Tamaanimi allaffiit, hotelit, pisiniarfiit, sullissisarfiit, inissiat il.il. inissaqartinneqassapput. Siunnersuullu malillugu init quleriit tallimat angullugit sanaartortoqarsinnaassaaq. Tamassuma ilisarnaataa pigiinnarnialikkersaarneqarpoq, aammali illoqarfiup assigiinngiiaartuunissaa taputartuunneqarsimalluni.