IMAK: Ajornartorsiutit ilisarnarput
Naalakkersuinikkut ingerlatsisut ilinniartitsisullu ataatsimut anguniagaqannginnerisa meeqqat atuarfianni aaqqissuussaaneq ajutoortippaa.
- Martha Fleischerip sapaatip-akunnerani kingullermi AG-mi allaaserisai amerlasuut ilisaraakka, IMAK-ip sinniisuisa sinerissami tamaneersut novembarimi ataatsimiinnerani oqaaseqaatit assigiinngitsut arlallit oqaatigineqarput.
Ilinniartitsisut kattuffianni, IMAK-imi siulittaasoq, Elna Heilmann taama aviisimut AG-mut oqarpoq.
Sinniisut ataatsimiinneranni ilaatigut sammineqarput klassit amerlassusaat, immikkut ilinniarfimmik pilersitsineq, ilinniartitsisut ilinniartitsinissamut piareersarnissamut nalilersuinissamullu piffissaqarnerunissaat.
Oqaatsit meeqqallu kalaallisut oqaluttut sumiginnarneqarnerat aallartitat ataatsimiinneranni aamma oqaluuserineqarput.
- Teknologiip kingunerisaanik meeqqat inuusuttullu maanna Youtubemit oqaatsinik taasartakkatsinnik oqaluttarput. Tamanna paatsuuinerpassuarnik pilersitsivoq, meerarpassuit inersimasullu akornanni, aammali meeqqat akunnerminni, Elna Heilmann oqarpoq.
Aviisimi AG-mi atuarnerusinnaavutit. Aviisi uani pissarsiariuk:
