Imigassanik kimittuuneq matusineq radiokkut tusarsimavaa
Ammassaliup Kommuneani borgmesterip tulliata Andersine Kristiansenip kommunimi imigassat kimittuut matuneqarnerat pillugu naalakkersuisut aalajangersimanerat radiokkut tusartariaqarsimavaa. Borgmesteri aalajangiinermik ilisimatitsisimanngilaq.
Annonse
Borgmesterip tulliata kommunimi inuuniarnikkut ajornartorsiutit akiorniarlugit naalakkersuisut iliuusissatut pilersaarutaat annertuut aamma ilisimasimanngilai.
- Borgmester Vittus Mikaelsenip naalakkersuisullu pilersaarutaat pillugit ataatsimilluunniit ilisimatinneqanngilagut. Tassami kommunalbestyrelsemi suliniutinik assigiinngitsunik aallartitaqarsimavugut, ilaatigut imigassamik kimittuumik nioqquteqarneq Tasiilami pisiniarfissuarmut nuutsillutigu. Tamatumalu kingunera pitsaasumik takussutissartaqalereerluni, tassa inuit illiqarfimmi aalakoortut ikileriarsimallutik, illoqarfiup borgmesterimut tullersortaa tupassimasoq Andersine Kristiansen, Siumut, Radioaviisimut oqarpoq.