Imigassaq ammarpoq: Politiit nalinginnaasumit amerlanernik sulisitsipput
Kommuneqarfik Sermersuumi politiit ullumimiit sapaatip akunneratalu naanerani nalinginnarmit amerlanerusunik politiinik sulisitsiniarput. Imigassanimmi tuniniaaneq sassaalliinerlu sapaatit akunnerini marlunni matoqqatinneqareerluni ullumi ammarneqarput.
Kommune Qeqertalimmi, Kommuneqarfik Sermersuumi Kommune Kujallermilu imigassamik matusigallarnerit ullumi februaarip qulingani taamaatinneqarput.
Imigassap ammaqqinneqarnera pissutaalluni Kommuneqarfik Sermersuumi politiit nalinginnarmit amerlanerusunik sulisitsissallutik aalajganerpit. Politiit sumiiffinnut amerlanerusunut ornigussinnaanerat pisariaqartinneqarsinnaavoq.
Imigassap matoqqatinneqarnerani eqqissisimaarfiusimasoq, Kalaallit Nunaani politiit pigaartuisa pisortaat oqaluttuaraa.
- Imigassap matoqqatinneqarnera soorunami malunniutaasimaqaaq. Politiinut suliassanngortinneqartartut annikinnerusumapput. Angerlarsimaffinni eqqissiviilliornerit politiinit orniguffiusartut ikinnerusimapput, Bent Johnsen Sermitsiaq.AG-imut oqarpoq.
Qeqqata Kommuniani imigassamik tuniniaaneq sassaalliinerlu februaarip pingajuani ammarpaat. Avannaata Kommunianilu kommunalbestyrelsit imigassap matuneqarnissaanut Naalakkersuisunut qinnutigisimanngilaat. Taakkummi imigassaq innuttaasut namminneq akisussaaffigigaat isumaqarput.
Politiit immikkoortortaqarfiinni amerlanerusunik sulisoqassanersoq aalajangerneqartarpoq.