Imigassartorsimallu biilertoq pisuinnarnik apuisimasoq
Politiit naapertorlugit aportissimasut ajoquserneqangaatsiarsimanngillat. Biilimik ingerlatsisoq tigusarineqarsimavoq imigasartorsimallunilu biilersimastut unnerluutigineqarluni.
Annonse
Paamiuni arfininngornermi unnukkut qulit-qeqqata missaani aqqusinikkut ajutoortoqarpoq, tassani biilertup ataatsip pisuinnaat marluk aporsimavai kingusinnerusukkullu qulliup napasuanut aporsimalluni.
Politiit naapertorlugit pisuinnaat aporneqarsimasut marluk ulorianartumik ajoquserneqarsimanngillat.
Ajutoorneq Atuarfiup Aqqutaani pisimavoq, pigaartut pisortaat Gedion Qvist pisumut atatillugu biilimik ingerlatsisoq imigassartorsimalluni biilersimasututu tigusarineqarsimasoq pillugu ilisimatitsisoq oqaluttuarpoq.
Angut 56-inik ukiulik apuisimavoq, taanna aaversinneqarsimavoq, ajutoortoqarmat imigassartorsimasutut biilersimanersoq paasiniarlugu.