Imigassartorsimalluni biilertoq niffarlukunut aportoq
Angut biilertoq ataasinngornermi unnukkut Paamiuni niffarlukunut aporpoq, imigassartorsimaninilu politiinit tigusaassutigaa.
Innuttaasup eqeersimaartup ataasinngornermi unnukkut nalunaaqutaq 20.52 Paamiuni biilertup pasinartumik ingerlanera nalunaarutigaa.
Innuttaasup oqarnera naapertorlugu biilertoq sangusaqattaarluni ingerlavoq, pineqartorlugu naggataatigut niffarlukunut aporpoq, biililu ingerlaqqissinnaajunnarluni.
Politiit sumiiffimmut aggertitsipput, tassanilu angut 60-it sinnerlugit ukiulik aalakoortoq pineqartoq paasineqarpoq.
Angut tigusarineqarpoq aaversinneqarlunilu, taassuma angutip promillia aalajangissavaa, pigaartut pisortaat Julie Senderovitz Bendtsen oqaluttuarpoq.
Angut biilertoq ataasinngornermi unnukkut Paamiuni niffarlukunut aporpoq, imigassartorsimaninilu politiinit tigusaassutigaa.
Innuttaasup eqeersimaartup ataasinngornermi unnukkut nalunaaqutaq 20.52 Paamiuni biilertup pasinartumik ingerlanera nalunaarutigaa.
Innuttaasup oqarnera naapertorlugu biilertoq sangusaqattaarluni ingerlavoq, pineqartorlugu naggataatigut niffarlukunut aporpoq, biililu ingerlaqqissinnaajunnarluni.
Politiit sumiiffimmut aggertitsipput, tassanilu angut 60-it sinnerlugit ukiulik aalakoortoq pineqartoq paasineqarpoq.
Angut tigusarineqarpoq aaversinneqarlunilu, taassuma angutip promillia aalajangissavaa, pigaartut pisortaat Julie Senderovitz Bendtsen oqaluttuarpoq.
Angerlarsimaffimmi eqqissiviilliornerit 13-it
Promille 0,5 sinnerpagu, angut akiligassinneqassaaq. Promille 1,2 qaangerpagu biilinik ingerlatsinermut allagartaq annaaneqartarpoq, pigaartut pisortaat nassuiaavoq.
Aalakoorluni biilertup saniatigut ulloq unnuarlu angerlarsimaffimmi eqqissiviilliorfiuvoq.
Politiit katillugit 13-eriarlutik angerlarsimaffimmi eqqissiviilliortuniipput, pingasunilu meerartaqarput.
Angerlarsimaffinni eqqissiviilliorfiusuni meerartaqaraangata, politiit inunnik isumaginnittoqarfimmut nalunaarutigikkajuttaraat, pigaartut pisortaat ilisimatitsivoq.