Immakkut angallannermi sillimaniarneq pitsaanerusariaqarpoq
Angallatit Kalaallit Nunaata imartaani angalaniat pitsaanerusunik periarfissaqartariaqartut danskit miljøministeriat Troels Lund Poulsen isumaqarpoq.
Danskit naalakkersuisui aamma Namminersorlutik Oqartussat suleqatigiinnissamik isumaqatigiissuteqarput, ilaatigut Kalaallit Nunaata imartaata assinginik elektroniskiusunik sanaartortoqarnissaanik kinguneqartussamik, berlingske.dk allappoq.
ALLAATIGISAQ TAKUUK: Søfartsstyrelsip 'Deutschland' misissuiffigaa
– Umiarsuit takornariartaassuit Kalaallit Nunaata imartaatigoortartut ukiut kingulliit tallimat pingasoriaammik amerlanerupput. Kalaallit Nunaanni takornariaqarnermut tamanna pitsaasorujussuuvoq, kisiannili siunissami immap assinginut piumasaqaatit annertunerulissapput. Kalaallit Nunaata Namminersorlutik Oqartussaannik suleqateqarnitsigut Kalaallit Nunaata imartaani angalasunut avatangiisianullu iluaqqusiissaagut. Ilaatigut pissutigalugu inunnik naleqarsinnaasunik ajunaarnersuit pinaveersaartinnissaannut periarfissagut pitsaanerulissammata aammalu avatangiisinik mingutsitsinaveersaarnissaq angussagatsigu, Troels Lund Poulsen berlingske.dk-mut oqarpoq.
Attaveqarnermut naalakkersuisoq Jens B. Frederiksen aamma Troels Lund Poulsenip isumaqatigiissutigaat aningaasat 10 millionit sukkanerusumik pitsaanerusunillu immap assiliornissaannut atorneqassasut.
ALLAATIGISAQ TAKUUK: Killeqarfiit soqutiginagit annaassiniarnermik sungiusarneq