Immap naqqata ilisimaneqanngitsup paasinanngitsortaa nutaamik qinngorneqarpoq
Kalaallit Nunaata imartaata naqqani illuatungeriit annertupput, tassani koraleqarfiit marulloqarfiillu ilisimatusarfigineqanngitsut ilagimmatigit, maannakkullu ilisimatusartut ilisimasaqarnerulersissalluta periarfissaqalerput
Immap naqqata assiliortornissaanut immallu naqqaniittut nakkutiginissaannut suliniummut 17,2 mio. kr.-inik EU-p aningaasaliinera, Silap Pissusianik ilisimatusarfiup aamma Pinngortitaleriffiup nuannaarutigalugulu tusarluarnaraat.
- Aningaasaliiffigineqarnitta imartatsinni uumassusillit paasilluarnerunissaannut periarfississavaatigut, suliniutillu pingaarutillip suleqatigiiffigilersinnaanera qujamasuutigaarput, Silap Pissusianik ilisimatusarfiup pisortaa, Mie Winding, tusagassiuutinut nalunaarummi oqarpoq.
"Immap naqqa qaammammilluunniit ilisimasaqarfiginnginnerugipput" nassuiaassivoq.
- Immami uumassusillit avatangiisai (uumaffii) pissusaalu paasiniaaffigissavagut, EU-miit aningaasaliisoqarnera ukiunut sisamanut atuuttussaq pillugu taama oqarpoq.
Mie Winding nassuiaassivoq, immap naqqata pinngortitaassusaa aningaasaqarnermut ilaalluinnartoq, ilisimanngisalli amerlasuujusut.
Immap itisoortaa nalunartuuvoq
- Kalaallit Nunaata sineriaa ilisimatusarfigineqanngitsunik kangerluppassuaqarpoq, immallu naqqata toqqaviani uumassuseqatigiit ataqatigiiffii assigiinngisitaartuupput, ilaatigut koraleqarfiullutik marulloqarfiullutilluunniit. Immap itisoortaa nalunartuuvoq, naqissuserneqarpoq.
- Ilisimaleriigamininnguattali takutippaat, immami itissutsini assigiinngitsuni uumasoqatigiit raajaqassusermut qaleraleqassusermullu isumalerujussuusut. Aammali immap naqqani sumiiffiit attorneqanngitsut, silap pissusiata allanngorneranik annikillisitsisarput tassa, CO2- mik aniatitat imaanut pisut uninngatittaramikkit.
- Immalli naqqi kilisannernut, aatsitassanik piiaanernut, issittumilu silap allanngorneranut malussajasuupput. Pitsaasumik eqaatsumillu imminullu napatittumik nunap pisuussutaanik aqutsiniaraanni, uumassusillit assigiinngisitaarnerat taakkualu atuuffiisa paasisaqarfiginerunissaat pisariaqarpoq, tusagassiuutinut nalunaarummi taama oqartoqarpoq.
"Kalaallit Nunaanni, immap naqqani sumiiffiit immikkut pingaarutillit erseqqinnerusumik paasisaqarfiginissaannut” aningaasat iluaqutaassasut, suliniummik aqutsisoq, ilisimatusartoq Nadescha aamma nassuiaassivoq.