soraarsitsineq
Immikkut ilisimasallip Lethimut soraarsitsinermut nassuiaat paatsiveqannginnerarpaa
Namminersorlutik Oqartussani inatsisilerituut Aqqaluaq B. Egede ikiorsimasariaqaraluarpaat Naatsorsueqqissaartarfik pillugu inatsisip paasinissaanut tusagassiuutini kukkulluinnartumik nassuiaatinnani, nunat tamat akornanni pissutsinut immikkut ilisimasalik isumaqarpoq.
Naatsorsueqqissaartarfiup siulersuisuini siulittaasup tulliata inuussutissarsiortup Henrik Lethip soraarsitaanera pillugu Naalakkersuisut nassuiaanerat paatsiveqanngilaq.
Taama isumaqarpoq immikkut ilisimasalik siunnersuisartorlu Lars Thygesen naatsorsueqqissaartarfiit piorsarnissaat pillugu nunani 25-nit amerlanerusuni siunnersuisuusimasoq OECD-mi naatsorsueqqissaanermi pisortaasimasoq Danmarks Statistikimilu immikkoortortami pisortaq.
- Paatsiveqanngilaq. Sussaanngilaq, Lars Thygesen oqarpoq.
Aamma atuaruk: Henrik Leth taamaammat soraarsitaavoq
KNR-imi nalunaarutigineqarpoq, tassani Naalakkersuisup akisussaasup Aqqaluaq B. Egedep (IA) Naatsorsueqqissaartarfik pillugu inatsimmi oqaaseqaatit innersuussutigalugit, tassani allassimalluni ”siulersuisuni ilaasortaq piginnaasatik aallaavigalugit toqqarneqartariaqartut oqartussaaffiit aalajangersimasut suliniaqatigiiffiilluunniit aallaaviginagit”.
Kisianni inatsimmik taassuminnga paasinninneq paatsoornerujussuusoq, immikkut ilisimasalik oqarpoq.
Aamma atuaruk: Naalakkersuisut Henrik Leth maannaannakkut soraarsikkaat
- Inatsimmi allassimavoq ilaasortaasussat inuttut piginnaasaat aallaavigineqassasut. Piginnaasanullu ajoqutaanngilaq arlaanut siulersuisuniinnissaq, Lars Thygesen oqarpoq, isumaqarluni Namminersorlutik Oqartussani ”arlalinnik inatsisileritooqarsimassasoq tamanna pillugu siunnersuisinnaasumik”.
Suliaq pillugu AG-mi paasisaqarnerugit. Aviisi uani elektroniskitut pisiarisinnaavat: