Imminut toquttarneq pillugu doktoritut allaaserisaq: Inuusuttut namminneq ikiortissarsiorput
Suliffeqalerneq, aningaasarsiorsinnaaneq ilinniagaqarsinnaanerlu, ilaquttanut utoqqarnut qanimut attaveqarneq pinngortitamilu inuuneq imminut toqunnissamut navianaateqarpallaarunnaarsitsisarput, Ivalu Katajavaara Seidler oqarpoq, sammisarlu pillugu ph.d,-liorpoq. Imminut toquttarneq Kalaallit Nunaanni ajornartorsiutit ilungersunarnerpaartarigaat taanna isumaqarpoq, nuannaarutigisarpaali ingammik inuusuttut ammasumik oqaluuserigaangassuk.
Inuusuttorpassuit inoorusukkunnaartarnerat inuiaqatigiit iluatsinngitsoornerannut ersiutaasoq annerpaasoq inuppassuit isumaqarput. Ilaqutaasunuttaaq ikinngutaasunullu imminut toquttumik annaasaqarsimasut alianartumik misigisaqartarput.
Kalaallit Nunaanni imminut toquttartut nunarsuarmi amerlanerpaat ilagaat. Ingammik angutit inuusuttut 20-24-t akornanni ukiullit arnallu inuusuttut 15-19-it akornanni ukiullit imminut toquttarput.
Aviisi AG taama allappoq.
Inuusuttut ukiumut 40-60-it akornanniittut alianartumik imminnut toquttarnerannut — sulilu amerlanerusut taamaaliorniarsarinerannut — pissutaasut amerlaqaat.
Ph.d.-nngorniartup Ivalu Katajavaara Seidlerip, Kalaallit Nunaanni Peqqinnissaq pillugu Ilisimatusarfimmeersup, piitsuuneq, suliffissaqannginneq ilinniagaqarsinnaannginnerlu, meeraanermi kinguaassiuutitigut atornerlunneqartarneq, aalakoortarneq aapparisamiillu avissaarneq ilaatigut eqqaavai.
Ivalu Katajavaara Seidler 36-nik ukiulik Kalaallit Nunaanni imminut toquttarneq pillugu ilisimatusartuuvoq, ph.d.-nngorniarnerminilu naammassinialeruttorluni. Ajornartorsiut qanoq annikillisissinnaaneripput siunnersuutissaqarpoq.
Ajornartorsiutip qanoq annikillisinneqarsinnaaneranut siunnersuutit aviisimi AG-mi atuarsinnaavatit. Aviisi uani pissarsiariuk:
