Inatsisartuni ilaasortat arlallit peqataasinnaanngillat
Sinniisussat pingasut aggersarneqarput.
Inatsisartut nalunaaqutaq 13.00 2010-mi upernaakkut ataatsimiinerat ammarneqarpat inatsisartut ataatsimiittarfiani kiinnat nutaat arlaqartut takussaassapput.
Juliane Henningsen, Inuit Ataqatigiit, septembarip 17-ata tungaanut erninerminut tunngatillugu sulinngiffeqartoq Kaali Olsenimit taarserneqarpoq.
Storm Ludvigsen, Inuit Ataqatigiit, juunip aallaqqaataata tungaanut sulinngiffeqartoq Peter Lyberthip taarserpaa.
Anders Olsen, Inuit Ataqatigiit, maajip 31-ata tungaanut sulinngiffeqartoq Emilie Kunnaap taarserpaa.
Astrid Fleischer Rex, Demokratit, aggustip 8-ata tungaanut sulinngiffeqarpoq, taartigaalu Michael Rosing.
Doris Jacobsen, Siumut, erninerminut atatillugu sulinngiffeqarpoq, Jens Immanuelsenimillu taarserneqarluni.
Taassuma saniatigut inatsisrtunut ilaasortat arlallit piffissami naatsumi peqataassanngillat, soorlu Olga P. Berthelsen, Inuit Ataqatigiit, aamma Per Berthelsen, Siumut, apriilip 12-aniit 15-ianut Nordisk Rådimi ataatsimiissallutik, taakkuli partiit isumaqatigiinnerisigut taarteqassanngillat.
Inatsisartut upernaakkut ataatsimiinneranni makku 31-t peqataassapput:
Inuit Ataqatigiit; Aqqaluk B. Egede, Debora Kleist, Emilie Kunnak, Hans Aronsen, Harald Bianco, Isak Hammond, Jane Petersen, Josef Motzfeldt, Kaali Olsen, Kuupik Kleist, Naaja Nathanielsen, Olga P. Berthelsen aamma Peter Lyberth.
Demokraterne: Andreas Uldum, Justus Hansen, Michael Rosing aamma Niels Thomsen.
Kattusseqatigiit Partiiat: Jakob Skade.
Siumut: Akitsinnguaq Olsen, Aleqa Hammond, Hans Enoksen, Jens Immanuelsen, Karl Lyberth, Kim Kielsen, Kristian Jeremiassen, Malik Berthelsen, Per Berthelsen aamma Ruth Heilmann.
Atassut: Finn Karlsen, Knud Kristiansen aamma Siverth K. Heilmann.
Ilaasortanit 31-nit qaammatit qulit matuma siorna inatsisartunut juunip aappaani 2009-mi qinigaasunit ullumikkut 20-it amiakkuupput.