Inatsisartuni pissanganeq
Inatsisartunut qunusaarisumik pasinnipput
Nuummi politiit angut Inatsisartunut qunusaarisimasutut pasivaat
Politiit pingasunngornermi nalunaaqutaq marluk missaanni angut 30-it naaneranni ukiulik tigusaraat. Taanna pasineqarpoq Inatsisartunut qunusaarisimasutut. Toqqaannartumilli qunusaarisoqarsimanngilaq.
Atuaruk: Inatsisartunut qunusaarisoqarpoq
- Angut 30-it naalernani ukiulik tigusaraarput pasillugu Inatsisartunut qungusaarisimasutut. Maanna iperareerparput, sulili pasinninnerput attaggarput suliarlu suli paasiniaaffigalugu, Nuup politiivini paasiniaanermut immikkoortortami vicepolitikommissær Pavia Kleist Sermitsiaq.AG-mut oqarpoq.
Inatsisartut siulittaasoqarfiat politiinut nalunaartuuvoq illoqarfimmi oqaluttoqarsimammat Inatsisartunut qunusaarisoqartoq. Toqqaannartumilli qunusaarisoqanngilaq taamalu Inatsisartunut toqqaannartumik qunusaarut apuunneqarani.
Pasineqartoq pingasunngornermi nalunaaqutaq marluk missaani tigusarineqarpoq taamaattooq Sermersuup Eqqartuussivianut sassartinnissaanut tunngavissaqarsorineqanngilaq.