Inatsisartut apeqqarissut

Inatsisartut apeqqarissaarluarput, apeqqartissaartitsinerlu siulleq minutsinik 72-inik sivisussuseqarpoq - mikrofonit attataasallu peqqutigalugit unitsiartarnerit ilanngullugit.

Jakob Skadep, Kattusseqatigiit Partiiat, Naalakkersuisut siulittaasuat Kuupik Kleist, Inuit Ataqatigiit, akiuminaatsumik aperaa: - Qanoq ililluta nunatsinni ajutoornernut avataaneersunut sillimmartaarsinnaavugut soorlu Islandimiit arsakut qullaasimasut peqqutigalugit Air Greenlandimut milliuunilikkaanik annaasaqaataasunut?

- Innermik anitsinerit nunarsuarmilu aningaasatigut ajornartorsiorneqt nunatsinniit sunniuteqarfigisinnaasorsuunngilarput, kisianni aningaasatigut ingerlalluarnissarput pilersissinnaavarput, taamaalilluta ajoqusernernut matussusersinnaallugit, aamma ataavartumik nunarsuarmi pisunut malinnaassaagut, pisut nutaat soorlu uumasunik illersuiniarnerup iluani tupaallaatisannginniassagatsigik, Kuupik Kleist akivoq.

Naalakkersuisunut ilaasortat marluk Naalakkersuisut, Kuupik Kleist aamma Maliina Abelsen, Inuit Ataqatigiinneersut, siulliullutik sammineqarput Inatsisartut sapaatip akunneranut apeqqaarissaarneranni siullermi, atorfilittarpassuarnillu ikiortissaqarput, nammineq ilisimasaat naammassimassanngippata. Taakkuli atorneqangaanngillat.

Tupaaallaataanngitsumik aperisoq siulleq tassaavoq Siumup siulittaasua Aleqa Hammond, EU-mik aalisarnermut isumaqatigiissutissaq OLT-lu pillugu apeqquteqarluni.

- Isumaqatigiissut nunatsinnut pingaaruteqarpoq, pissanngatigaarpullu aasamut isumaqatigiinniarnissaq pillugu qanoq ingerlasoqassanersoq tusassallutigu, Kuupik Kleist.

EU-mik isumaqatigiinniarnermi pingaartut ilagaat aalisakkat EU-mit aalisarneqangnitsut qanoq naleqartinneqarnersut. OLT-mullu atatillugu nunanit allanit kinguppaat akitsuutitaqanngisut nunanit allaneersut, Europami nioqqutissanik nunatsinneersunik akitsuuteqangnitsunik unammillertut: EU-mut inerteqqussutigisinnaagunanngilarput nunatsinneersuunngitsunit kinguppannik pisoqqunagit, Kuupik Kleist oqarpoq.

Pingasunngorpat tulliani Naalakkersuisut allat apeqqarissaarfigineqassapput.