Inatsisartut sulilerput

Naalakkersuisut siulittaasutata Jonathan Motzfeldtip Inatsartut ataatsimiinnissaat tallimanngornermi septemberip 21-iani nal. 11.00 aallarnerlugu siarngutigissavaa.

Inatsisartut ullut suliffiusut 25-it ingerlaneranni ullormut oqaluuserisassat 134-it suliarissavaat.

Naalakkersuisut 24-inik siuinnersuutissaqarput: inatsisissatut peqqussutissatullu siunnersuutit 18-t, aalajangiiffigisassatut siunnersuutit sisamat aammalu nassuiaatit marluk.

Ilaasortanit siunnersuutit 13-init, upernaakkut ataatsimiinnermi siullermeerneqartut ukiaanerani ataatsimiinnissamut oqaluuserisassanngorteqqinneqarsimasut.

Inatsisartuni ilaasortat siunnersuutinik nutaanik 85-inik saqqummiussassaqarput.

Anthon Frederiksen Kattusseqatigiit Partiianneersoq inatsisartuni kisermaartaasoq: Kisimiilluni 15-inik siunnersuuteqarpoq.

Aappaattut inissisimavoq inatsisartut inuusunnersaat Juliane Hennings Inuit Ataqatigiinneersoq, taanna arfineq-pingasunik siunnersuuteqarpoq.

Ukiuni kingullerni inatsisartuni partiit partiikkaarlutik siunnersuutinik saqqummiussisalersimapput, ukiamullu ataatsimiinnissami Atassutip ilaasortaatitai 12-inik siunnersuutissaqarput, Siumukkormiut 11-nik, kiisalu Inuit Ataqatigiit ataatsimik.

Inatsisartut siulittaasuata Jonathan Motzfeldtip ukiakkut ataatsimiinneq pingasunngornermi novemberip 14-iani naammassisutit nalunaarutigissavaa, pisarneq malillugu Inatsisartut aappaagumut aningaasaqarnikkkut inatsisissat akuersissutigereerpassuk.