Inatsisartut ukiaanerani ataatsimiinnissaat kinguartippoq
Inatsisartut ataatsimiinnerat ammarneqassaaq pingasunngorpat. Inatsisartuni siulittaasup Hans Enoksenip tamanna uppernarsarpaa
Annonse
Inatsisartut ukiaanerani ataatsimiinnerat aqagu tallimanngornermi ammarneqartussaagaluarpoq. Ataatsimiinnerilli ammarneqarnissaat pingasunngorpamut kinguartinneqarpoq.
Inatsisartut ukiaanerani ataatsimiinnissaasa kinguartinneqarnissaanut Kim Kielsen qinnuteqaateqartuuvoq.
Siumup aamma Demokraatit Naalakkersuisooqatigiilernissamut isumaqatiginninniarnerannut piffissaq sivisunerusoq pisariaqartimmassuk kinguartitsinermut pissutaavoq.
Inatsisartuni sulinerup pissusissamissuunngitsumik kinguartinneqannginnersoq Hans Enoksen aperineqarami akivoq Inatsisartuni Siulittaasoqarfiup politikkimik ingerlatsisoqarneq ajortoq.
Qinnuteqaat kisimi suliarineqarsimasoq oqarpoq.