Inatsisissatut tunngavigisaq nalornissutigineqartoq
Høgni Hoydalip inatsisinik atortitsinermut ministerimut Lene Espersenimut apeqquteqaatigaa, inatsit nutaaq oqarasuaatikkut internetikkullu attaveqaqatigiinnernik tamanik nalunaarsuisalernissamik piumasaqaatitaqartoq aamma Savalimmiunut Kalaallit Nunaallunnulu atuunnersoq.
Annonse
Peqqarniisaarniartarnermik akiuiniarluni inatsisissap 15. septembari atulersup Folketingimi sapaatip akunnerani siuliani oqallisigineqarnerani Høhni Hoydalip apeqquteqaatigaa, inatsinut allannguutit Savalimmiunut Kalaallit Nunaannulu qanoq kinguneqassanersut.
- Tassunga atatillugu erseqqissarneqarpoq, telekkut attaveqaqatigiittarnerit nalunaarsorneqarnissaat aammalu politiit paasissutissanik aallertarsinnaanerat pillugit apeqqummi tamanna Kalaallit Nunaanni Savalimminilu piginnaatitaaffinnut inatsisitigullu tunngavigisassanut tunngatillugu nalorninartortaqalersoq, apeqqutillu taakku arlaannaalluunniit nunat pineqartut inatsisartuinit oqaluuserineqarsimanngitsut, Høgni Hoydal tunngavilersuummini allappoq.