Inatsisit atuutsinneqarnerannut suliniut: Eqqartuussigaangatta sukannernerput naammappa?
Naalakkersuisut Ilisimatusarfimmi ilisimatusartumik suleqatigiinnissamik isumaqatigiissusiorput, taassumalu Kalaallit Nunaanni massakkut pineqaatissiissutigineqartartut qaffasissusaat uppernartumik misissuinermik uagutsinnut takutitsisussat misissussavai.
Inatsisinik unioqqutitsinerit assigiinngitsut qanoq sukannertigisumik pineqaatissiissutigineqartarneri Ilisimatusarfimmi ilisimatusartup misissuiffigiinnassanngilai, aammali qanoq sukannertigisumik pineqaatissiisoqarnissaanik innutaasut qanoq takorluugaqarnersut misissussavai.
Paasissutissat inatsisinut atuutsitsinermut naalakkersuisup Naaja H. Nathanielsenip paragraf 37 naapertorlugu Demokraatineersumut Anna Wangenheimimut akissutaanit tigusaavoq.
Imminnut akerleriissumik, "pineqaatissiisarnermi qaffasissutsit piviusuminngaanniit appasinnerunerannik misissuinermi peqataasut nalinginnaasumik isumaqarsimasut, siusinnerusukkut misissuinermi takutinneqarsimasoq" paasissutissiissutaavoq.
Suliat piviusut
- Piffissami tassani eqqartuussiviit sulisaasaat malillugu eqqartuussissutigineqartartunit sivikinnerusumik, sulianik piviusunik takutinneqarunik sallaannerusumik amerlanerit taamaalillutik eqqartuusserusupput, Naaja H. Nathanielsen allappoq.
Ilisimatusartup suliani 2025-p aallartinnerani naammassissagaa naatsorsuutigineqarpoq, nalunaarusiamilu inernerit nunatsinni inatsisinik atuutsitsinermut tunngasunik kissaateqarnerit/allanguutit pillugit politikkikkut oqallinnermi tunngaviussapput.
Immikkoortoq 37 naapertorlugu apeqqutinut akissuteqaammi pineqaatissiisarnermit Danmarkimi pillaatitut aaqqissuussamik ilaarsinikkut pillaammik parnaarussivimmiittunngortitsisalernissap unammillernartui sukumiisumik nassuiarneqarput.
Akissut tamaat uani atuaruk