Ininut akiliutit qaffannerat akueriuminaappoq

- Naalakkersuisut kissaataannut ulluinnarnilu ingerlatsinermut qanorluunniit sunniuteqassangaluarpat a/s ini-mi siulersuisut sunniuteqartussaannginnamik? Isak Hammond aperaaq.

- Inatsisartuni sulinitsinni inatsisit nalunaarutit peqqussutillu sunut tamanut aalajangersartakkatsinnut toqqammaviginiartarpavut. Taamaakkaluartoq Naalakkersuisut peqqussut matumani inissiat attartortinnerannut akitsuiniarnermut pillugu sulinerminni, sooq peqqussutinik atuissannginnamik? Inatsisartunut ilaasortaq aperaaq.

- Tamatumani suli isumaqarpunga akitsuinissamut siulersuisut saneqqunneqaannartut. Tamallu oqartussaaqatigiinnerannik aaqqissuusaaneq saneqqunneqartoq, Isak Hammond allappoq.

- Matumani erseqqissassuara ataatsimilluunniit oquk pillugu akiuiniarnermi iliuuseqartoqarniarnera assortorfissaqartinnginnakku.
Taamaattorli oqaatigisariaqartoq tassaavoq, sooq matumani sillimasiisimanerup atorneqarsinnaanera periarfissatut isigineqannginnersoq? Naatsorsuutigilluinnarpara inissiarsuit illullu ataasiakkaat Namminersorlutik Oqartussat illuuttaat sillimmaserneqarsimassasut. Taamaassimassanngippallu aaqqiissummik iliuuseqartoqarnissaa kaammattuutigisariaqarpoq, Isak Hammond allappoq.

Akitsueqqinnissaq inatsisitigut tunngavilersorneqarsinnaanngilaq, akuersaarneqarsinnaananilu, naqissusiivoq.

- Taamaammat periarfissat allat pillugit sulisoqartariaqarpoq. Tamannalu pillugu periarfissanut allanut ilaasutut isigisariaqarpoq sillimmasiisimanerup atorluartariaqarnera, atuisut namminneerlutik pisuussutiginngilat inissiat illulluunniit oqussimammata, taamaattumik inissianik attartortitsinermi akiliutip akitsuiffiginiarneqarnera akuersaarneqarsinnaanngilaq, Isak Hammond oqarpoq.

Tusagassiivinnut nalunaarummi Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq § 30 imm.2 Imm. 2 innersuullugu.

Og i pressemeddelelsen fremhæver han Landstingsforordningen om leje af boliger, paragraf 30, stk 1, stk 2 og 3.